BKT VAZHDON TE KRIJOJE LEHTESIRA PER KLIENTET E SAJ
Tiranë, Shqipëri (4 Mars, 2011) – Banka Kombëtare Tregtare vazhdon të nxjerrë oferta tërheqëse per klientët e saj. Tashmë të gjithë klientët e BKT-së mund të përdorin shumë prej shërbimeve dhe produkteve të saj falas. Mes këtyre produkteve bëjnë pjesë transfertat në nisje brenda Shqipërisë deri në 1,5 milionë lekë, të gjitha transfertat në mbërritje në lekë, regjistrimi dhe përdorimi i Degës “Internet” dhe Mobile Banking, transfertat nga emigrantët deri në 1,000 Euro/USD/GBP/CAD/CHF, pagesa apo debitimi direkt i faturave nga llogaria e shumë produkte të tjera.
“Ne operojmë në një treg tepër konkurrues dhe duam që të jemi sa më tërheqës për klientët tanë” u shpreh Z. Seyhan Pencapligil, Drejtor i Përgjithshëm dhe Anëtar Bordi i BKT. “Fokusi që kemi për shërbimin ndaj klientit dhe ofertat tona jashtëzakonisht konkurrruese i bëjnë klientët tanë të ndihen të diferencuar”, shtoi më tej ai.
Banka Kombëtare Tregtare, e përzgjedhur si Banka e Vitit 2010 nga revista prestigjioze The Banker, është banka e dytë më e madhe në vend dhe njëkohësisht është e vetmja bankë në Shqipëri që ka marrë vlerësimin AAA (Alb) nga institucioni prestigjioz JCR-ER. BKT numëron sot 73 degë, 16 prej të cilave janë në Kosovë.
Lajmet e tjera
BKT shpallet “Banka më e Mirë në Shqipëri” në Euromoney Awards for Excellence 2026
Banka Kombëtare Tregtare është shpallur “Banka më e Mirë në Shqipëri” në çmimet prestigjioze Euromoney Awards for Excellence 2026, duke vlerësuar performancën e fortë financiare të Bankës, inovacionin e vazhdueshëm dhe ndikimin pozitiv te klientët në të gjithë Shqipërinë. Kjo është hera e tetë që BKT merr nga Euromoney çmimin “Banka më e Mirë në Shqipëri”.
BKT merr certifikimin ISO/IEC 27001:2022 për menaxhimin e sigurisë së informacionit
BKT ka marrë certifikimin ISO/IEC 27001:2022 për Sistemin e saj të Menaxhimit të Sigurisë së Informacionit (ISMS), duke konfirmuar zbatimin e një kuadri të strukturuar dhe efektiv për menaxhimin e rreziqeve të sigurisë së informacionit.